خبز الدار الجزائري

* السلام عليكن اليوم حبيت نقدملكم خبز الدار بطريقتي الخاصةصدقوني هاد الخبز خفيف جدا جدا ومايتشبعش يبان مسكوتة وزيد يحمر الوجه ويتناسب مع العرضات والعزومات نتمنى تطبقوه وتردولي وانشاء الله.

*** المقادير + الطريقة :

في صحن كبير ديري ثلاث بيضات مع نص كاس اينوكس زيت وملعقة كبيرة خميرة خميرة الخبز ومغرف ملح ومغرف كبيرة ونصف سكر زيدي فوقهم كاس وثلاث ارباع حليب سائل دافي وربع الكاس ماء زهر يعني زوج كيسان اينوكس بين الحليب وماء الزهر واللي ماتحبش ماء الزهر تعوضو بالحليب يعني زوج كيسان حليب.

خلطي الكل مليح مليح بالباتور

وزيدي 1كلغ بالضبط فرينة من دون زيادة ولا نقصان وزيدي 1خميرة نتاع القاطو ومغرف ثانية من خميرة الخبز

خبز الدار الجزائري Khobzd8

خلطي من غير ماتعجني بملعقة خشبية . تتحصلي على عجينة تلصق خليها في نفس الصحن

خبز الدار الجزائري Khobzd9

وغطيه بكيس

خبز الدار الجزائري Khobzd10

ثم بمنشفة

خبز الدار الجزائري Khobzd11

وخلي العجينة تتخمر نصف ساعة في مكان دافيء.

خبز الدار الجزائري Khobzd12

ادهني زوج سنيوات نتاع الفرن بالزبدة وادهني يدك مليح بالزيت واقسمي العجينة على السنيوات الزوج.

خبز الدار الجزائري Khobzd13

زيدي ادهني يدك وحلي العجينة في السنيوة حتى تولي قيسها سقميها مليح راهي تاخد شوية وقت لان العجينة طرية بزاف وايلاستيك

خبز الدار الجزائري Khobzd14

ادهني الوجه بصفار البيض ورشي الجلجلان والسينوج

خبز الدار الجزائري Khobzd15

زيدي خليها تتخمر مرة تانية ربع ساعة في مكان دافء وهذا امر مهم ويعمل فرق ثم انقبي القرصة بفرشيطة ودخليها تطيب

خبز الدار الجزائري Khobzd16

لا تاخذ وقت كثير

خبز الدار الجزائري Khobzd17

وهذا بعد ماطاب خفيف كي القطن وساهل ماهل وخير من اللي يتباع.

خبز الدار الجزائري Khobzd1

ملاحظة: استعملي الزيت في يدك لان العجينة شوية سائلة وتلصق في يدك ادا ما تستعمليش الزيت تغلبك معاها
ادا ماتحبيش الخبز الخشين نقصي شوية من العجينة قبل ما تحطيها في السنيوات تتحصلي عاى زوج قرصات كبار وقرصة صغيرة اعطيهالي ليا ههههههه
هاد الكمية تعملك زوج قرصات كي يجو ولادك ولا يجيوك الضياف يخلصوهم في زوج دقائق لانه فعلا مثل القاطو.

شكراً لك

سلمت اناملك